پاڪستان ۽ چين جي لاڳاپن سان سڄي خطي ۾ استحڪام آيو آهي: وزيراعظم عمران خان

اسلام آباد – 08 فيبروري (اي پي پي) وزيراعظم عمران خان چيو آهي ته پاڪستان ۽ چين جي لاڳاپن سان سڄي خطي ۾ استحڪام آيو آهي، ڀارت ڪشمير جي صورتحال بدتر بڻائي ڇڏي آهي، ڀارت جي انتهاپسند حڪومت سان گڏ وڌڻ تمام گهڻو مشڪل آهي، طالبان حڪومت سان پسندگي ۽ ناپسندگي کي هڪطرف رکندي اسان کي افغان عوام جي مدد ڪرڻ گهرجي، عوام کي غربت مان ڪڍڻ لاءِ چين اسان جو رول ماڊل آهي، دنيا هڪ ٻي سرد جنگ جي سٽ سهي نٿي سگهي، اهڙي صورتحال پيدا نه ٿيڻ گهرجي جو دنيا ٻن حصن ۾ ورهائجي وڃي. اهڙن خيالن جو اظهار هن چيني ٽي وي سي جي ٽي اين کي انٽرويو ڏيندي چئي. وزيراعظم چيو ته آئون پنهنجي زندگي 20 سال عالمي راند ۾ حصو وٺندي گذار??، جڏهن کان آئون وزيراعظم بڻيس مون کي ٽي وي تي به راندين جا مقابلا ڏسڻ جو موقعو گهٽ ئي ملندو آهي، هن چيو ته بيجنگ ۾ ونٽر اولمپڪ ڏسڻ منهنجي لاءِ خوشي جو سبب آهي، هڪ سوال جي جواب ۾ هن چيو ته پاڪستان ۽ چين جا لاڳاپا اهڙا منفرد آهن جو وقت جي هر آزمائش تي پورو لهندا، پاڪستان ۽ چين جهڙين به مشڪلاتن مان گذاريا، اسان جا لاڳاپا هر امتحان ۾ سرخرو رهيا ۽ وقت سان گڏ مضبوط ٿيندا ويا، هن چيو ته سي پيڪ صدر شي جن پنگ جي بيلٽ اينڊ روڊ منصوبي جو اهم ترين جز آهي، منهنجو خيال آهي ته جڏهن مان وزيراعظم لي ۽ صدر شي چن پنگ سان ملندس ته انهن کي چوندس ته انهن کي وڌيڪ اڳتي وڌايو وڃي. اهي مواصلاتي رابطا ۽ توانائي جي پيداواري منصوبن سان شروع ٿيا، هاڻي اسان اهو چاهيون ٿا ته اهو اڳئين مرحلي جي طرف وڌن، جيڪي صنعتي ترقي، انفارميشن ٽيڪنالاجي ۽ سڀ کان وڌيڪ ڪري زراعت جي شعبي تي مشتمل آهي، ڇاڪاڻ جو زراعت اسان جي ملڪ جو اهم ترين شعبو آهي، اسان کي پنهنجي وڌندڙ آبادي جي لاءِ غذائي تحفظ جي ضرورت آهي، ان لاءِ تمام ضروري آهي ته اسان کي پنهنجي زرعي پيداوار وڌائڻ ۾ چين جو تعاون حاصل ٿئي. هڪ ٻئي سوال ۾ هن چيو ته منهنجي خيال ۾ پاڪستان ۽ چين جي لاڳاپن سان پوري خطي ۾ استحڪام آيو آهي، بدقسمتي سان هن وقت پاڪستان جو سڀ کان وڏو مسئلو ڪنهن حد تائين چين جو به مسئلو آهي اهو اسان جو وڏو پاڙيسري ڀارت آهي. آئون انهن ماڻهن مان آهيان جيڪي اهو پڪو يقين رکندا آهن، اسان کي پنهنجا سڀئي اختلاف سياسي ڳالهين سان حل ڪرڻ گهرجن جيتوڻيڪ اها بدقسمتي آهي ته ڀارت ۾ هڪ انتهاپسند قوم پرست حڪومت آهي. 74 سال اڳ اسان جي آزادي جي وقت کان ڪڏهن ڀارت ۾ اهڙي حڪومت نه رهي، اها اسان جي بدقسمتي آهي ته اسان کي اها منجهه محسوس ٿيندي آهي ته اسان ان حڪومت سان اڳتي ڪيئن وڌون. خاص طور ڪشمير جي ڪري، ڪشمير ڀارت سان گڏ اسان جو واحد تڪرار آهي، ان بدران ته ان مسئلي کي حل ڪيو وڃي، ڀارت صورتحال بدترين ٺاهي ڇڏي آهي، ان لاءِ اهو هڪ مسئلو آهي ۽ آئون اميد ڪريان ٿو ته جلد يا ??ير اسان ان کي ڳالهين جي ذريعي حل ڪري وٺنداسين. جيڪڏهن ان کي هڪ طرف رکي ڪري ڏسون ته چين ۽ پاڪستان جا لاڳاپا خطي ۾ استحڪام آندو آهي. افغانستان جي حوالي سان سوال جي جواب ۾ هن چيو ته پاڪستان ۽ چين جي وچ ۾ ان ڳالهه تي اتفاق آهي ته ڪنهن قوم ايتريون مصيبتون برداشت نه ڪيون جيتريون افغان عوام ڪيون، هنن 40 سال جيڪا واحد شيءَ ڏٺي آهي اها جنگ آهي، اهو پهريون دفعو آهي ته هتي امن جو موقعو ميسر آيو آهي، ڇاڪاڻ جو افغانستان ۾ هن وقت ڪا جنگ نه ٿي رهي آه??، جيتوڻيڪ هن وقت مسئلو اتي وڌندڙ انساني الميو پيش اچڻ جو آهي، ڇاڪاڻ جو افغانستان جو د??رو??دار ٻاهرين امداد تي آهي، طالبان جي حڪومت سنڀالڻ تائين افغانستان جي بجيٽ جو 17 سيڪڙو حصو ٻاهرين امداد تي هو. هڪ ڀيرو جڏهن ٻاهرين امداد ختم ٿي ته پوري حڪومت هڪ ڳڻتي جوڳي بحران جو شڪار آهي، اهي خدمتون فراهم نٿا ڪري سگهن ڇاڪاڻ جو انهن جو وٽ پئسو ئي ناهي ۽ انهن جي پرڏيهي ناڻي جا ذخيرا منجمند ڪيا ويا ??هن، چين ۽ پاڪستان ۽ ٻيا ڪيترائي ملڪ ايستائين جو يورپي ملڪ سڀني جو اتفاق آهي ته ڪنهن ترقي ??ان طالبان جي حڪومت کي پسنديدگي يا ناپسنديدگي کي هڪ طرف رکندي جيڪا واحد شيءَ اسان جي ذهنن ۾ هجڻ گهرجي اها 4 ڪروڙ افغان عوام آه??، جنهن مان اڌ غذائي عدم تحفظ جي بدترين صورتحال جي ور چڙهيل آهن، اتي ڏڪار سبب فوتگيون ۽ غذائي گهٽتائي جا امڪان آهن، ان لاءِ اسان جو اتفاق آهي ته هر ڪنهن جي اولين ترجيح افغانستان جي چار ڪروڙ عوام هجڻ گهرجي، سي پيڪ جي حوالي سان هڪ سوال جي جواب ۾ وزيراعظم چيو ته اهو منصوبو تمام اهم آهي، ڇاڪاڻ جو چين جي سيڙپڪاري، رابطا هموار ڪرڻ ۽ توانائي جي پيداوار جي شعبن ۾ اهڙي وقت آئي جيڪا پاڪستان جي لاءِ تمام نازڪ هئي، ڇاڪاڻ جو اسان کي ٻن طرحن جا مسئلا درپيش هئا، هڪ ته اسان دهشتگردي جي خلاف جنگ ۾ شريڪ هئاسين ۽ دهشتگردي خلاف جنگ ۾ پاڪستان جو هجڻ جو نقصان شايد ڪنهن ملڪ کان وڌيڪ هو، افغانستان کانسواءِ پاڪستان ڪنهن ٻي ملڪ کان وڌيڪ نقصان کنيو. اسان جا تقريبن 80 هزار ماڻهو شهيد ٿيا ۽ معيشت کي سئو ارب دالر کان وڌيڪ جو نقصان ٿيو. اسان جي ڪرنسي پنهنجي اڌ کان وڌيڪ قيمت وڃائي ويٺي ۽ انهن سڀني کان وڌيڪ اسان جون ٻه انتهائي بدعنوان حڪومتون جيڪي مالي بحران جو سبب بڻيون، چين اسان اسان جي مشڪل وقت ۾ سامهون آيو، اهو به انهن سببن مان هڪ آهي جنهن جي سبب پاڪستان ۾ چين جي عوام جي لاءِ ايتري محبت آهي ڇاڪاڻ جو ضرورت جي وقت ڪم ايندڙ دوستن کي توهان سدائين ياد رکندا آهيو، اهڙا دوست جيڪي ان وقت آيا ??ڏهن توهان کي مدد جي ضرورت هج??، جيئن ته اسان ان وقت هئاسين، هاڻي سي پيڪ ٻي مرحلي طرف وڌي رهيو آهي ۽ ٻي مرحلي ۾ پهرين شيءَ ته اسان جا صنعتي زونز ۾ سيڙپڪاري آهي، ٻي انفارميشن ٽيڪنالاجي ۾ آئي آهي. وزيراعظم چيو ته پاڪستان پنهنجي ٽيڪنالاجي زون ۾ سيڙپڪاري لاءِ زبردست مراعتون ڏئي رهيو آهي ۽ ٽئين شيءَ جنهن جو مون پهرين به ذڪر ڪيو اها زراعت آهي، ڇاڪاڻ جو پاڪستان بنيادي طور تي هڪ زرعي ملڪ آهي ۽ اسان کي زراعت ۾ پيداوار وڌائڻ لاءِ چين جي تعاون ۽ مدد جي ضرورت آهي، اسان پهرين ئي چين جي ڪمپني سان گڏ مفاهمت جي يادداشتن تي صحيحون ڪري رهيا ??هيون، جيڪا گڏيل طور تي فائديمند هوندي، چيني ڪمپنين کي اسان وٽ سيڙپڪاري کان تمام گهڻو فائدو ٿيندو ۽ پاڪستان جي لاءِ ٽيڪنالاجي جي منتقلي فائديمند ٿيندي، وزيراعظم چيو ته سي پيڪ جو منصوبو هاڻي ٻي مرحلي ۾ داخل ٿي ويو آهي، هڪ سوال جي جواب ۾ هن چيو ته جڏهن منهنجي حڪومت اقتدار ۾ آئي پاڪستان جيو اڪنامڪس کي خصوصي ڌيان ڏنو، هاڻي جڏهن اسان جيواڪنامڪس جي مقابلي ۾ جيو اسٽريٽجڪ کي اهميت ڏن??، جيو اڪنامڪس مان مراد منهنجي حڪومت جي ترجيح ماڻهن کي غربت مان ٻاهر ڪڍڻ آهي، بدقسمتي سان اسان جي 25 سيڪڙو آبادي غربت جي لڪير کان هيٺ زندگي گذاري رهي آهي. اسان جي بنيادي ترجيح ان کي ان صورتحال کان ٻاهر ڪڍڻ آهي ۽ ان حوالي سان چين اسان جو رول ماڊل آهي، وزيراعظم چيو ته انساني تاريخ ۾ ڪنهن به ملڪ ايتري گهٽ مدي ۾ ايترن ماڻهن کي غربت مان نه ڪڍيو جيترا چين ڪڍيا ??هن. اسان کي معلوم آهي ته هُنن 35 کان 40 سالن ۾ 70 ڪروڙ ماڻهن کي غربت مان ڪڍيو آهي ۽ تازو ئي صدر شي جن پنگ انتهائي غربت جي خاتمي جو اعلان ڪيو آهي. منهنجي ويجهو اهو انساني تاريخ جو سڀ کان وڏي ڪامي??بي?? مان هڪ آهي، ان کان اڳ ڪڏهن انساني تاريخ ۾ ائين نه ٿيو. منهنجي حڪومت جو ڌيان پنهنجي ماڻهن کي ڪنهن نه ڪنهن طرح سان غربت مان ڪڍڻ آهي ۽ ان حوالي سان چين جو ماڊل اسان جي سامهون آهي ۽ ان حوالي سان اسان چين کان سکڻ جا خواهشمند آهيون، ان سلسلي ۾ اسان جا اجلاس به ٿيا ??هن ته اسان ڪيئن دولت پيدا ڪريون ۽ پوءِ ان دولت جي ذريعي هيٺين سطح جي ماڻهن کي مٿي آڻيون. هڪ سوال جي جواب ۾ وزيراعظم چيو ته مون کي ان ڳالهه تي فخر آهي ته پاڪستان انهن ڪجهه ملڪن ۾ آهي جنهن ڪورونا وبا سبب متاثر ٿيندڙ اڪثر ملڪن جي مقابلي ۾ ان وبا جو بهتر انداز ۾ مقابلو ڪيو آهي. اسان کي ان وبا کي منهن ڏيڻ جي حوالي سان انهن ٽن ملڪن ۾ شامل ڪيو ويو آهي جنهن ڪورونا جي صورتحال جو بهترين مقابلو ڪيو، اسان ان وبا سان پنهنجي معيشت کي به بچايو ۽ ماڻهن کي به. اسان چين کان گهڻو ڪجهه سکيو ڇو ته جڏهن وبا پکڙڻ شروع ٿي ته اسان چين سان ويجها لاڳاپا رکيا ۽ ان سان گهڻو ڪجهه سکيو ڇو ته اتي وبا سڀ کان پهرين چين جي ووهان ۾ سامهون آئي ۽ بعد ۾ ٻين جاين تائين پکڙجي وئي، وزيراعظم چيو ته جڏهن ويڪسين تيار ٿي وئي ته اسان چين ۽ ٻين ملڪن کان به مدد ورتي پر چين نازڪ وقت ۾ اسان جي مدد ڪئي، وزيراعظم چيو ته اسان کي بي حد خوشي آهي ته خوش قسمتي سان اسان انهن ڪجهه ملڪن ۾ شامل آهيون جنهن ٻين جي مقابلي ۾ وبا جو بهتر طريقي ??ان مقابلو ڪيو. هڪ سوال جي جواب ۾ هن چيو ته آئون سمجهان ٿو ته دنيا هڪ ٻي سرد جنگ جي سٽ نٿي سهي سگهي، اهڙي صورتحال پيدا نه ٿيڻ گهرجي جو دنيا ٻن حصن ۾ ورهاجي وڃي، اهڙي صورتحال جو ڪنهن کي به فائدو نه ٿيندو، هر ڪوئي ان صورتحال کان متاثر ٿيندو آهي. وزيراعطم چيو ته ملڪن جي وچ ۾ تعاون سان ئي عوام جو فائدو ٿيندو آهي، هن چيو ته مون يورپي يونين کي ٺهندي ڏٺو آهي ۽ پوءِ اسان ڏٺو ته سڄي يورپي ملڪن ۾ زندگي جو معيار بهتر ٿي ويو. هن چيو ته آئون اميد ڪريان ٿو ته ڇڪتاڻ هڪ ٻي سرد جنگ جي شڪل اختيار نه ڪند??، جتي اسان کي اهو فيصلو ڪرڻو پئجي ته اسان کي ڪنهن جو ساٿ ڏيڻو آهي. اسان جا آمريڪا سان بهترين لاڳاپا آهن ۽ چين سان انتهائي مضبوط لاڳاپا آهن، اسان نٿا چاهيون ته پاڪستان کي اهڙي صورتحال کي منهن ڏيڻو پوي ته جيڪڏهن توهان جا چين سان لاڳاپا آهن ته توهان کي ٻين ملڪن سان لاڳاپا ختم ڪرڻا پون، هن چيو ته اسان چاهيون ٿا ته پاڪستان اهو ڪردار ادا ڪري جيڪو هن 1970ع ۾ ڪيو، پاڪستان آمريڪا ۽ چين جي وچ ۾ لاڳاپا هموار ڪرڻ ۾ اهم ڪردار ادا ڪيو هو. ڊاڪٽر هنري ڪسنجر جي مشهور زمانه دوري جو اهتمام پاڪستان ڪيو هو. اسان اهڙي طرح جو ڪردار ادا ڪرڻ جي اميد رکون ٿا. منهنجي ترجيحي پاڪستان جي 22 ڪروڙ عوام آهي، آئون ان صورت ۾ ئي پوئتي پيل ماڻهن کي غربت مان ڪڍي سگهان ٿو جنهن سان معيشت ۾ بهتري اچي ۽ معاشي بهتري استحڪام ۽ امن سان ايندي آه??، جيڪڏهن توهان تڪرارن کي منهن ڏيڻو آهي ته سڀني کان پهرين معيشت متاثر ٿيندي آهي ۽ اهو سڀ کان آخري ڳالهه ٿيندي ته جيڪا اسان چاهينداسين، وزيراعظم نئين قمري سال جي آغاز تي چيني عوام کي مبارڪباد ڏني ۽ ان اميد جو اظهار ڪيو ته ايندڙ سال چين ۽ باقي ??نيا ??ي لاءِ امن ۽ خوشحالي جو سال ثابت ٿيندو.