اسلام آباد۔2ستمبر(اے پی پی)وفاقی وزیر اطلاعات، نشریات، قومی ورثہ و ثقافت عطاءاللہ تارڑ آکھیے جو ترائے سال اچ پہلی واری مہنگائی دا سنگل ڈیجٹ تے آوݨ وݙی کامیابی اے، وفاق 200 یونٹ تئیں بجلی دے صارفین کوں 50 ارب روپے، پنجاب 201 یونٹ توں 500 یونٹ تئیں دے صوبے اتے اسلام آباد دے بجلی صارفین کوں 45 ارب روپے دی سبسڈی ݙتی اے، کے پی کے سودھا ٻنھاں صوبیاں کوں وی اپݨے عوام کوں ایویں ریلیف ݙیوݨا چاہیدا ہا۔ قومی اسمبلی اچ کے اجلاس سوالاں دے وقفے اچ ولدا ݙیندے انہاں آکھیا جو سٹیٹ بینک دا مہنگائی بارے نویں اعداد و شمار جاری کرݨ تے خؤشی تھئی اے جو ملک اچ پہلی واری 3 سال بعد مہنگائی سنگل ڈیجٹ 9.6 فیصد تے آئی اے، بجلی اتے پٹرول دا ملھ ڳھٹاوݨ توں بعد مہانگ دا سنگل ڈیجٹ تے آوݨ وزیراعظم شہباز شریف دی کامیابی دا ثبوت اے، وزیر اعظم اتے وزیر داخلہ ایوان دی کارروائی اچ ہوندن اتے آندے اجلاس اچ وی آسن۔ ہک ٻئے سوال تے انہاں آکھیا جو اسلام آباد دے آئوٹ پلان موجب اتھاں پلاننگ ٻئے شہراں توں چنڳی اے، سی ڈی اے توں منظوری نا ڳھنݨ آلیاں نجی ہائوسنگ سوسائٹیاں دے خلاف قانون دے مطابق کارروائی کیتی ویندی اے اتے اجازت کیتے وی قانون موجود ہین۔ انہاں آکھیا جو وفاق 200 یونٹ تئیں بجلی دے صارفین کوں 50 ارب روپے، پنجاب 201 یونٹ توں 500 یونٹ تئیں دے صوبے اتے اسلام آباد دے بجلی صارفین کوں 45 ارب روپے دی سبسڈی ݙتی اے، کے پی کے سودھا ٻنھاں صوبیاں کوں وی اپݨے عوام کوں ایویں ریلیف ݙیوݨا چاہیدا ہا۔ رکن قومی اسمبلی شرمیلہ فاروقی اتے نبیل گبول کوں ولدا ݙیندے وفاقی وزیر اطلاعات آکھیا جو پی ڈبلیو ڈی سودھا ڄیڑھیاں وزارتاں ختم تھینداں پن انہان دے کڄھ ملازمین رکھیے ویسن یا کڄھ کوں گولڈن ہینڈ شیک ݙتا ویسی، ایف آئی اے دی کپیسٹی سائبر کرائم کوں انویسٹی گیٹ کرݨ دی نئیں، ایندے کیتے نویں انوسٹی گیشن ایجنسی دی منظوری ݙتی گئی اے، جیندے مکمل تھیوݨ تئیں ہینڈ ہولڈنگ جاری رہسی، حالی اے ابتدائی مرحلے اچ اے۔ ایف آئی اے دے سائبر کرائم دے تحت کیسز ختم نہ تھیسن، اے کیسز نویں سائبر کرائم ایجنسی کوں منتقل تھی ویسن۔ انہاں آکھیا جو نوجواناں دی فنی تربیت کیتے حکومت نویں اقدامات کیتن، نیوٹیک دی تنظیم نو تھیندی پئی اے۔ رکن قومی اسمبلی شہزادہ محمد گستاسب خان دے سوال تے وفاقی وزیر آکھیا جو ججز دی سیکورٹی تے 34 گاڑیاں، بیورو کریٹس نال چھی اتے وزراء نال چار گاݙیاں ہوندن، کل 44 گاݙیاں اتے 532 پولیس اہلکار انہاں شخصیات نال سیکورٹی ݙیندن۔ انہاں آکھیا جو پارلیمنٹ ہائوس اتے پارلیمنٹ لاجز دی صفائی ستھرائی سی ڈی اے دی ذمہ داری اے، ایں سانڳے سپیکر کوں آکھسوں جو او ایوان دی خصوصی کمیٹی ٻݨاون جیندے تے سپیکر تجویز ݙتی جو پارلیمنٹ لاجز اتے پارلیمنٹ ہائوس دی صفائی ستھرائی دی ݙیکھ بھال کوں آئوٹ سورس کیتا ونڄے۔
ترائے سال اچ پہلی واری مہنگائی دا سنگل ڈیجٹ تے آوݨ وݙی کامیابی اے، وفاقی وزیر اطلاعات عطاءاللہ تارڑ
اسلام آباد۔2ستمبر(اے پی پی)وفاقی وزیر اطلاعات، نشریات، قومی ورثہ و ثقافت عطاءاللہ تارڑ آکھیے جو ترائے سال اچ پہلی واری مہنگائی دا سنگل ڈیجٹ...
مضمون کا ماخذ : میگا سینا اکمولاڈا
